رد على اللى قبلك بخاطره

بيوحشني الكلام منك...
.........
وصوتك وانتي فرحانه
وقلقك وانتي زعلانه
وتكشيرتك قصاد عيني
ف وقت ما تبقي غيرانه
بيوحشني الكسوف والخوف
ف عينك لما بتشوفني
وقلبك لما يخطفني
وايدك لما تتشعلق
ف طرف صوابعي ف الشارع
شفايفك لما تحضني
وتنطق اسمي وانا سامع
بيوحشني الخصام علشان
بيبقي واحشني نتصالح
بيوحشني الحنان فيكي
يا أكتر قلب بيسامح
ومشبعتش ف يوم منك
ومبعدتش انا عنك
وايه ف الدنيا هيحوشني
واموت واعرف حبيبتي ازاي
بتبقي معايا و قصادي
وكل ما فيكي يوحشني ....