سامحينى يانفسى

سامحينى يا نفسى
على ظلمى ليكِ
على جرحى ليكِ سنين وايام
محستش بيكى
الا اما اتكسرتى
ساعتها بس انا فقت ليكِ
وقررت انى مش هعيش غير ليكِ
عشان اراعيكى
واخاف عليكِ
واهون عليكِ ظلم الايام

سامحينى يا نفسى انى بعتك لحبيب مقدركيش
ظلمك معاه وخلاكِ تحسى انك متساويش
سامحينى عشان سبتك تصدقى كدبه
سامحينى عشان ظلمتك انتى وجيت عليكِ
وسبته هو عشان يعيش ويكمل ويظلم فيكِ
ولو كان طلب زياده كنت خليته يدوس عليكِ

سامحينى وانا بوعدك مش هستنى حبه تانى
ظلمك معاه وقفل قدامك كل الابواب
وانا اللى خدتك لطريق مسدود
وقلت هعدى من عنده كل الحدود
وادى اخرتها ظلمتك وكسرتك
وسبتك تحسى بالم مالوش حدود

سامحينى يا نفسى انا بتأسفلك
وبوعدك انى هخفف عنك واصلح جرحك
واهون عليكِ كل الى عملته
سامحينى بجد واعذرينى
بس انا بطلب منك انك تساعدينى
ساعدينى انى اشيل حبه من قلبى
ساعدينى وانا هساعدك عشان نوصل لبر الامان
ونعيش انا وانتى مع بعض اجمل ايام