~ْ~قـصـيده~ْ~

نـزعـل ونتـكـبر وحـنا مـن الطـين
والـكـل مـنا صـد لا أقـبل خــويـه

نـفـخر نـقـول أنـا على الـصد قـاويـن
وهي علـينا فـي الحـقـيـقـه قـويــه !!

نـشـفـق على الـطـيـبـه وكـسب الكريـمين
وهـذي بـنا ؟؟ لاشـك فـعـلـه رديــه

ننــسى نـهايـتـنا وعلى ويـن مـاشين
وننـسى الـزمـان اللي جـمعنـا سـويـه !!

المشـكلـه ماهي بــ حاجـه لــ تخمـين
ولا هي بـعـد يانـاس صـعـبه القضـيه !!

دق الـرقـم : كيفـك ..هلا فيـك .. أهليـن
أنـا الـخـوي اللي مــزعـل خـويـه !!

قـلـه : تـغـيـب وصـورتـك داخـل الــعيـن
ويبـقى لــ حبـك في خـفوقـي بـقـيـه

اخــوان حــنـا لـو يـجـي بيننـا شـيـن
ومـا نـفـتـرق دام الـمحـبه نــديـه !!

خـلك قــوي لاتـحـتكـرك الشـيـاطيــن
قـبـل الــفوات وقــبل وقـت الـمنـيـه !

كــلـم خــويــك بــ طيب الهــرج واللـين
وأعـرف جـميـل الهـرج يـمسـح رديـه

هـذي هي الــدنـيـا من الحـين للحــين
لا بـد بيـن الـنـاس تحـصـل خطيـه !

ومـن لايـقـدر غلطـة أحــبابه الحـين
يـقرا حـروفـي ويـعتبرهـا هـديـه !!

بـاكـر تـمر سنـيـن وسنـيـن وسنـيـن
والــكـل يـرحـل في الدروب الـمـديـه !!

صـدقـني تـنـدم وأذكـر حـروفـنا زيـن
تـنـدم على خـلـك إذا غـاب ضّــيــه

ودنـيـا غـريـبـه واكـثر الـنـاس مـاشـيـن
وكــم صاحـب و الله دفـنـتـه بــديــه