بتاع بنات

بيقولولك اوعى ترضى تحبى حد بتاع بنات
اصله مش هيحس بيكى
مش هيبقا وبس ليكى
كل واحد هتاخده منك كل يوم يبعد شويه
كل واحده هتبقا فاكره انه
هو بتاعها هى
ويقولولك انه قبلك
حب بدل الواحده ميه
واحده ساب فى عنيها ذكرى
واحده ساب فى ايديها ورده
مين بقلبه فى يوم هترضى
ويقولولك عينه زايغه
وان عايزه واحده بارده
ويقولولك اصله سوسه
واستحاله فى مره اى حاجه فى وشه باينه
ويقولولك اصل ياختى كلهم رجاله خاينه
ويقولولك ويعيدولك
متخفيش لو مهما قالو
طمنى يا حياتى قلبك
مش خلاص حبيتك انتى
مش خلاص طبيت فى حبك
عارفه لو فكرتى ثانيه
صدقينى هتعرفى يعنى ايه كلمه بحبك
يعنى ايه كلمه بحبك
يعنى مهما بشوف قصادى
انتى بس اللى فى عنيا
يعنى اسمى بحبه لما
تندهى بصوتك عليا
يعنى اقوم على الفجر اصلى
وادعى انك تبقى ليا
وابقى طاير م الفرح
لو معاكى رغيت شوى
مش بحس كانى عايش الا
لحظه مابقى جنبك
يعنى ايه كلمه بحبك
يعنى لما تكلمينى
ببقا نفسى احضن موبايلى
يعنى اخاصمك بس برجع
لو بنظره يدوب تحايلى
يعنى مضحكش الا لما
عينى بتشوفك ضحكتى
وابقى صوتك لو سكتى
وابقى فاكرك مهما غبتى
يعنى اصلا مت فيكى
وانتى بس فى قلبى عشتى
يعنى ايه كلمه بحبك
يعنى اطول فى المكالمه
يعنى اضم ايديكى جامد
وابقى مش راضى تسيبينى
يعنى امثل انى بتقل بس
علشان توحشينى
يعنى لو مخنوق بكلمه
وتقولها تضحكينى
يعنى حبك يبقى ليا
حب ليه مليون سبب
والبنات فى عنيى فالصو
وانتى فى عنيى الدهب
يعنى حاسس انك بنتى
وانتى ليا كل حاجه
يعنى عايزك زى مانتى
فيكى حابب كل حاجه
انتى ميه احساس تعبنى
انتى شوق دايما غالبنى
انتى بنتى وانتى امى
وانتى بكره ام ابنى
لو قالولك اوعى ترضى تحبى حد بتاع بنات
اضحكى وقولى فشر
استحاله فى يوم يسيبنى
استحاله فى يوم يسيبنى
احتراااااااااااااااامى
عمــــــــــــــــده