تخيلات بريئه لكن؟

تعال حبيبى نتخيل بعض حاجات
إن شريط العمر بيرجع
أول حاجة هتيجي فى بالك
قلب برئ مش عارف يخدع
تيجي نتخيل
انت وعيل
لما فى حضن أمك بتقيل
لما كبرت شوية بكيت
واتمنيت
إنك ترسم صورة نفسك بالطباشير
كنت بتحلم تبقي كبير
تيجي نتخيل
فرحة أول لقطة لصورة
مع بنت الجار الأمورة
مع أول صاحب حبيته
اللي انت عمرك ما نسيته
تيجي نتخيل
وانت فى حضن حبيب بتميل
كنت بتنسي الدنيا بحالها
كنت بتتمتع بجمالها
بس ستوب
فين الحب
فجأة تلاقي شريطك سف
تلقي العقل من زحمة أفكار بيلف
تسكت مع أصعب تنهيدة
تفتكر إنها بس قصيدة
تفتكر انها بس قصيده
تاخد منها كلام فى كلام
وتعيش فيها وبس احلام
تعشق لكن فى الاحلام
وتعيش حلمك اى كلام
قول يارب وعيش لله
مافيش غيره وبس امام
احتــــــــــــــرامى
عمــــــــــــــــده