الفروق المادية قصيده للشاعر محمد بن ظافر الشمراني

الشاعر أبوسامي هون في قصيدته الجميلة
الفروق الماديّه


الفروق الماديّــه وقّفت من دون قصـدي
وامنعتني من حبيبي اللي عليه الشوق زايد

وابتدتني بالتعدّي وجابهتني بالتحدّي
وحلّلت قتلي وماراعت مبادي أو عقايد

وحاربتني وحاصرتني بقوّةٍ وسلاح نقدي
وأنجبرت أبعد لأن لاراس مال ولا فوايد

بس إنها ما استطاعت تهزم القلب المودّي
أو تحطّم صورةٍ علّقتها بحدب الجرايــد

أو تجرّدني من إسمه رغم أنّه فوق يدي
أو توقّف صوتٍ يناديه رغم إنّه قصايــد

والعواطف لو أقول انسى تشيل السيف ضدّي
ولا تطاوعني ولا تسمع لعذل(ن) أو نقايد

وصح يمكن نبتعد عن بعض والخطوه تعدّي
احتراماً للتقاليد وخضـــوع(ن) للعوايــد

بس لا يمكن يكفّن حبّنا فستــان وردي
ومستحيل إنها تنسّيناه ساعات الشدايــد