اهداء لأمى..

اهداء لأمى
وحشنى كلامك
وحشنى الكلام ولغه العيون
وحشنى ابتسامه لضى العيون
وحشنى الحنان وغمز الجفون
وحشنى الحنين لعمرى المصون
وحشنى الامان فى حضنك يا امى
ونبته ورودك فى قلبى الحزين
وخدك وشعرك يانسمه بهيه
وحشنى الحوار الصافى معاكى
وحشنى النقار المعاند هواكى
وحشنى الخناق وشد الايدين
وحشنى يا عمرى دعاكى
ينور طريقى ويشد حيلى
يقوى عزيمتى ويحبس انينى
وحشنى دعاكى
فى ساعه رضاكى
بنور شمس دافيه
ينور طريقى
يبللى ريقى
ويشفى سنينى
من عذاب الزمن
وحشنى دعاكى
ساعه رضاكى
ينادى على
تعالى ياغالى
يا اغلى الغوالى
يافجر شبابى وفخر السنين
تنادى بصوت كله حيره وشجن
تبوسى الجبين تعدى المحن
تقاسى عشانى مر الزمن
وعلقم حياتك معاى اتسجن
وتدعيلى تانى يا ست الحبايب
واقسى عليك واغضب كمان
وتبكى عنيكى وترجف ايديكى
وانا بقلبى قاسى ياست الحبايب
تسامحينى تانى وتعلى ابتسامتك
ماصل انتى امى وعارف عواديك
مفيش مره ممكن تباتى حزينه
وانا جوا حضنك تكونى اميره
سعيده بوحيدك فى عز المحن
بحبك يا امى يا اغلى الغوالى
يانور ضى عينى
يافخر البريه يا اجمل عطيه
وهبهالى ربى
ياقلبك ياامى
بحبك يا امى
احتراااااااااااااااااااااامى
عمــــــــــــــــــــــده