بحب اكون ....!!

مع انى جوايا اهات
تكفينى حتى للممات
مع انى عايش وحيد
دايما بعيد
عن كل انغام الكلام ال تلونها شفايفك
ال بترسمها عيونك ف الوريد
عن همس صوتك بالغرام
مع إني رغم الدمع باضحك بس أنا
مجروح وحاسس بالألم
حاسس بعمري اللي اتسرق
وبنبض قلبي اللي إتظلم
وبرغم إني باحب افرح كل حد في دنيتي
لو طولت أديه نور عيوني وفرحتي
واغزل حنيني سما تضلل ع البيوت
لو كنت اقدر ابدل الدمعه اللي في عيونهم بفرح
ولو باموت
أنا عمري ما اتأخر حقيقي وربي عالم بالنفوس
مع إني رغم الدمع باضحك
رغم كل الجرح باضحك
رغم حزني اللي معكوس بالملامح ع البيوت
أنا بردو باضحك
لأجل عادي اليوم يفوت
مع انى موجوع بالاوى
بضحك اووى
ولا احب ابين دمعتى قدام عزيز
ولا حتى اوريهم جراحى
ال انكوى بيها جسدى النحيل
بحب اكون دايما بشوش
رغم الوجع رغم الالم
رغم دمعات العيون
بحب اكون واحد انا معرفوش
مبسوط اووى
رغم الوريد ال انجرح
من كتر جلدات الحبيب
ورغم ضهرى ال انسطح
من كتر كلمات الجحود
لا عادى خالص
مبسوط انا
وفرحان كمان
بكدب على نفسى ساعات
برسم على وشى علامه الانبساط
بالشكل ده
ههههههههههههههههه
مع انى جواه اهات
تكفينى حتى للممات
احتراماتى
عمده

سلامتك من كل الاهات يا عمده

غالبا ما نتجمل او نتصنع الابتسامة

رغم دموع القلب والجروح والالم الساكنة فينا

وخاصة امام من نحبهم

كعادتك موضوع يحمل معنى ومعاناة

كتبته لنا بكل حرفية ورقي

تسلم ايديك وماننحرم من ابداعاتك