كان يجرى ايه........!!؟

كان يجرى ايه
لو كنت بس رضيت تدوق
طعم الكلام
كان صوت بيلمع ف الشروق
مستنى لحظه عشان يفوق
وترجعه ريح الوئام
دلوقتى شوف
سعره بالوف
واخد قصاده حاجات ب زوف
ضايعين بكام
كان يجرى ايه...!!
لو يوم تبين بس شوق
او بالغلط تمحى الفرووووق
جايز سعتها كنا نقدر
نمشى ف دروبنا قلوبنا اكبر
اصل القلوب
لازمها علشان تدوب
حرفين بسكر
واما تصووم
تهمد هموم
ولا فى يوم تقوم
ولا يوم هتقدر ...عالمقدر
كان يجرى ايه
لو بس رضيت ف يوم تعبر
اصل المشاعر لما تنكر
بتروح ظنون....بتغير فيها كل لون
واما تقرر فى يوم تعود تبكينا لوم
كااان يجرى ايه
لو كنا نسهر للفجر نسكر
من شوق كلامنا للشروق
نسقى غرامنا او ندوق
اصل المحبه ف الحقوق
لازمها علشان تدوم...حرفين وتظهر
كان يجرى ايه....



للصديقه الرائعه......
الشاعره .....امل رزق