اضحك مع البشر وبداخلي مجروح

صباحكم / مساكم .. ورد .،

أضع بين إيديكم / هذه الكلمات .. واتمنى أن تنال إعجابكم .،



لحظه حبيبي قبل يسبقني النوم
بضم صدرك لين تصبح على خير



إفتح شبابيك الهوى جيتك اليوم
بإحساس من زود الوله عده يطير
جيتك مثل طفلن له أيام محروم
عن حضن أمه أبعدته المقادير
وجيتك مثل عودن له أيام مهموم
وده يلاقي بأخر الوقت تقديــر
وجيتك حضن عاشق وهايم ومغروم
وده يضمك لين تصبح على خير
متى تحس إن الهوى شي مقسوم
من قسمة الخالق على خلقه يصير
ومتى تحس إني لك أطيح وأقوم
وأتعب على شانك وأقدرك وآغير
لي في هواك أحلام وأمال وعلوم
وأحزاب وأصحاب وقصيد وجماهير
وهموم وأفكار وهواجيس وحلوم
ودروب وأخطار وعذاب ومشاوير
وحب وغلا وإخلاص ومعاند ولوم
وإحساس وإلهام وشعور وتفاكير
وصحبة سهر ومقاطعة لذة النوم
وأشواق جياشه وعشق وتعابير
في ذمتك مابان لك شي مكتوم
من بعد ماصورت الأوضاع تصوير
لاتحسب إنك شي عابر ومعدوم
وتاريخ حبك فاق كل الأساطير
في كل شي أتخيلك وأسمعك دوم
وأتأملك في الوقت الأول والآخير
من ماضي الأيام لايومك اليوم
وغلاك عندي ماحصل فيه تغيير
وأنا لك الله ماأقبل البيع والسوم
ولا أرضى علي ولاعليك المخاسير
لاْني الوحيد إللي على بحرك يعوم
وإللي عرف مرساه في رحلة السير


لحظه حبيبي قبل يسبقني النوم
بضم صدرك لين تصبح على خير






تحياتي ..

يسلم دياتك حبيبي الغالي كلمات مميز وإحساس جميل كلمات طيبة من قلب طيب كلمات عانقت القلب والوجدان كلمات مميزة والله لك حبي وودي

يسلم دياتك يا الغالي كلمات مميزة والله ألف يسلمو للطرح الراقي والمعاني الجميلة

مشكوووووور والله يعطيك الف عافيه