روحي بلقاك تفز فزت حمامة

روحي بلقاك تفز فزت حمامة
وتحوم حولك من غلاك واملها
يا ليلتن نظرة غلاك والابتسامة
ترد روحي الغالية في محلها


يكفي فضاه صدري فؤآده غرامه
يحمل محبة انت ما تلقى مثلها
يعني اذا جيت تحصي شوقه وهيامه
تقدر تقول بكثر هالدنيا كلها



اهواك وارسم للتعجب علامة
كلما بنورك عيني خطت كحلها
واسال هواك كل عظيم مقامه
هل خلى فيني ذرة ما وصلها


روح للقصيد ودور اعذب كلامه
اوجد لي كلمة توصف اعجابي كله
ياريت تلاقي لي وصف اعجاب واعجازه
حبك يسد بلآد ويكفي أهلها


أشكر هواك الي غمرني اهتمامه
واشكرها روحي يالي من طيب أصلها
سوت على عمري وعمرك غمامه
تمطر احاسيس ,, وينبت غزلهـآ


لك مني على راسي اشيل احترامه
وأعطي من ايام عمري عسلها
لأن مدام انت بخير وسلآمة
ما أريد أي حاجة من الدنيا كلها