٣٠٠ يوم يا مرسي

اغنية ساخرة عن انجازات مرسي في 300 يوم كشف حساب 300 يوم اهداء من الثوار


http://www.youtube.com/watch?v=NM8iDmFe94o



كلمات الاغنية

اصحى يامرسي وصح النوم عدى عليك 300 يوم
فوق ال 100 فاتوا 200
قولي ياعم النهضة فين
وعملوا كتاب عن انجازاتة
اما صحيح اللي اختشوا ماتوا
باع الثورة وباع الدم
نفس الخيبة ونفس الهم
ونار نار نار نار
مرسي بيرفع في الاسعار
ونار نار نار نار
مرسي بيرفع في الاسعار
والانابيب ب 8 جنية
مش لاقينها يامرسي فين
ناس بتموت ع السولار
والجنية مات م الدولار
قطع الماية وقطع النور
نهضة كئيبة وبكرة تغور
فين الامن وفين الامان
بلطجية فكل مكان
والزبالة فكل حتة
قولي النضهة هتحصل امتى
50 واحد ماتوا ف القطر
قولي بتعملوا اية ف القصر
احكي كمان عن انجازاتة
اجري شوفلي حسين وهاتوا
رايح يشحت م الصندوق
مش قادرين بنموت م الجوع
قال هيخلي العيش بالكوتة
خلى العيشة زي القوطة
مرسي يامرسي يامرسي يامرسي
شكلك مش اد الكرسي
مرسي يامرسي يامرسي يامرسي
شكلك مش اد الكرسي
من جمعة كشف الحساب
عرفنا العيشة هتبقى هباب
سبت شوية اخوانجية
ركبوا اللجنة التاسيسية
قفلوا ع الحرية النور
والغرياني سلق الدستور
و خبطنا اعلان دستوري
دكتاتوري دكتاتوري
رحت حاصرت الدستورية
اوعى تكون فاكرها تية
نزل الشعب ف كل مكان
سيبت عليه الاخوان
ضربوا الناس ف الاتحادية
وقلتوا عليهم بلطجية
والحسيني لما مات
قلتوا اية ذنب النباتات
جابر جيكا مات مقتول
وانت يا مرسي انت المسئول
قتلتوا قمر وكريستي كمان
قتلتوا الجندي ف اللومان
ورتنا حكم الاخوان
لما سحلت لنا الغلبان
في السويس وبورسعيد
مصيبة جديدة ودم جديد
وحظر تجول بالصوباع
اهدى ياعم كفاية صداع
خد قرارات استثنائية
لعبوا كورة وسمسية
نائب عام ملاكي اخوان
عامل فيها علينا سجان
قاعد يحبس ف الثوار
يادي الوكسة و يادي العار
افتح سجنك واحبس فينا
عمر ماسجتك هيكفينا
ودا باسم النيابة
حتى الضحكة مش متسابة
اصحى يامرسي ماصحيوا الناس
سينا لمرسي مش لحماس
ولا حلايب ولا شلاتين
اصحى ما صحيوا المصريين
قلنا جماعة مش قانونية
قالوا خلاص خلوها جمعيه
مسرحية مسرحية
والجماعه هي هي
واخد مصر بلدنا لفين
خليه يلعب فيها صباعين
قالنا على الحارة المزنوقة
بس يامرسي الناس مخنوقة
قال ع القرد و عالقرداتي
عايش جوا مؤامرة يوماتي
في المقطم الداخلية
كانوا وحوش ولا حاجة قوية
واما الاخوان دخلوا الازهر
الشرطة مرديتش تظهر
ويوم الكاتدرائية عادي كان مفيش داخلية
حلاوة السلطة التنفيذية
لما تكون بالمحسوبية
مرسي يامرسي يامرسي يامرسي
شكلك مانتش اد الكرسي
مرسي يامرسي يامرسي يامرسي
شكلك مانتش اد الكرسي
احنا نزلنا نقول قصاص
وانت بتضرب بالرصاص
اسحل واضرب و اقتل فينا
كل رصاصة بتقوينا
اسجن واحد يطلع 100
ينزلوا يهتفوا للحرية
زود حرسك علي جدارك
لو نفعوك كانوا نفعوا مبارك
اصل السلطة بايد الناس
مش بالحارس ولا الحراس
مرسي يامرسي يامرسي يامرسي
شكلك مانتش اد الكرسي
مرسي يامرسي يامرسي يامرسي
شكلك مانتش اد الكرسي
مصر ومرسي دونت ميكس

هههههههههههههههه

حلووووة كثيررررر

هههههههههههههههههه

ههههههههههه

نورتيني يا قمر وانتي الاحلى اكيد يا حلا

ههههههههههه ايام عمرى
من القهر بيطلع النهفات والنكت

يسلموو ايدك

فعلا يا شهد من الهم بتولد النكتة

ومن الكبت بتولد الكلمة

الله يسلمك يارب نورتيني حبيبتي

يسلمو اديك اختى

تقبلى مرورى

الله يسلمك حبيبتي احلام

نورتي صفحتي