إضافة رد
 
أدوات الموضوع انواع عرض الموضوع
  #1  
قديم 09-06-2017, 05:53 PM
الصورة الرمزية احساس شاعر
احساس شاعر غير متواجد حالياً
 
تاريخ التسجيل: Dec 2010
الدولة: الاردن_عمان
المشاركات: 4,329
احساس شاعر has much to be proud ofاحساس شاعر has much to be proud ofاحساس شاعر has much to be proud ofاحساس شاعر has much to be proud ofاحساس شاعر has much to be proud ofاحساس شاعر has much to be proud ofاحساس شاعر has much to be proud ofاحساس شاعر has much to be proud of
افتراضي الراجل يعافينا زهايمر....!!

اهلاااان حسنى
كم سنه فاتت ع الدفعه ياواد
بتشوف عبده؟
بتشوف حازم؟
ولا طلبه وماهر وجهاد
سبحان من جمعنا ف قهوه
الصدفه اللى بالف معاد
ف حد معاك؟
احسن برضه
اقعد يامعلم تشرب ايه
ياسنوسى
معسل للبيه
بتبصلى ليه؟
اه
مستغرب يعنى عشان شعرى
بقا فيه شايب
عادى ياصاحبى
ياما جيبنا وياما
سبنا حبايب
معروف طول عمرى ان انا خايب
واهى دنيا ووخدانا مقاوله
تلعب طاوله؟
انا بلعب بالاسود دايمأ
علشان كان صادق م الاول
الابيض كان بيعشمنى
وف اخر اللعب ببتحول
واللعب يمسخ ويطول
والزهر مافيش
ولا راضى يجيب
غير يك الشيش
وف اخر اللعب
ال يك يموت
والزهر يعيش
مع ان ال يك كان الاولى
انا اصلا زهقان م الطاوله
ومن صوت طرقعه القواطيش
انا بقعد ع القهوه يوماتى
اكتر مانا بقعد ف البيت
انت اتغديت؟
طب اجيبلك ويايا فطيره
ياسنوسى
شيل التعميره
فوريره ياواد
اتنين رومى
وواحده مشكل
من فتره زمان وانا بتشكل
انا كنت بشوف ان انا ناقص
مش ناقص يعنى ان انا ناقص
انا اقصد يعنى ف تكوينى
انا اصلا
مش ناقص حاجه
انا كل ما فيا مكفينى
مش عاوز حد يعزينى
شفت الزينى؟
بيقولو سافر
انا فاكر مره وانا مسافر
بالقطر بعييد
ولا كان بيوقف ف محطه
ولا له مواعيد
مش فاكر فين بالتحديد
غير انه رمانى وسابنى هنا
ف حد هنا؟
اه خلى الكرسى معانا تالت
بيجيب حاجه
وثوانى وجاى
وان غاب واتأخر راح يجى
ومسير الحى
هيلف ويجى على الكرسى
تشرب بيبسى؟
على رائك
وقفلنا تاكسى.....
مين الاتنين دول ياسنوسى
دول راجل وابنه يامعلم
الراجل يعافينا زهايمر
واهو ابنه يعينى بيتألم
بيجيبه يوماتى على القهوه
يسمعله وهو بيتكلم......
مولانا العبقرى
رد مع اقتباس
إضافة رد

الكلمات الدليلية
الراجل, يعافينا, زهايمر....!!

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 09:28 AM.


Powered by vBulletin® Version 3.8.10 Beta 1
Copyright ©2000 - 2024, vBulletin Solutions, Inc. Trans by
حميع الخقوق محفوظة © لـ منتديات العاشق 2009 - 2022