|
#1
11-15-2012, 09:09 PM
|
||||
|
||||
عزيزي بابا نويل
 عزيزي بابا نويل هالسنة سوريا رح تكون متغيرة عليك كتير!!! لهيك لازم اعطيك كم نصيحة : هالسنة وانت جاية لعندي لاتنسى هويتك لانو صار عنا حواجز كتير! ولا تلبس لون احمر لأنو والله شبعنا من هاللون يللي معبي الشوارع! وحاول تخفف دقنك لحتى هدول ما يفكروك مع هدوليك وهدوليك ما يفكروك مع هدول مع انو دقنك بيضا ومبين عليك ختيار بس في ناس ماعادت فرقت بين الختيار وبين الشب وبين الطفل ! ولاتطلع عالأسطوح و تفوت من المدخنة لحتى ما حدا يفكرك قناص ! ولا تحاول تفتش على كل الولاد يللي شفتون السنة الماضية لأنو يا بابا نويل في منن راح لعند ربو وهو ما بيعرف ليش تتذكر يا بابا نويل الطفل يللي خلق بعيد الميلاد الماضي وأنت قلتلو إنو السنة الجاية بدي إجي لعندك وشوفك عم تحكي ؟؟ ... تتذكر ؟!!... هاد الولد أول كلمة قالها (( بووو انفزااال كبييل )) نعم .. هي أول كلمة قالها بابا نويل ... تتذكر السنة الماضية وقت سألتو لهداك الولد شو جبلك السنة الجايه شو قلك ؟! تتذكر ..!!!؟ قلك العيد الجايه مابدي هدية العيد الجاية بدي صير كبير قد البابا والماما .... خليني قلك انك مارح تقدر تحققلو هالأمنية هي لا هلاء ولا بعد عشرين سنة لأنو راح ... راح مع كتير ولاد راحت وماعاد ترجع بس لا تخاف مو كلون بنفس الطريقة راحو ... في منن هنن وقاعدين ببيتون وعم يحلو وظيفة القراءة صار إنفجار حد بيتون وإنجرحوا وبعدين راحوا ... وفي منن كان ماسك إيد امو بالشارع متل ما انت وصيتو تمام وإنفجرت سيارة جنبون وراحوا هو وامو وفي منن كانو طالعين من المدرسة وما كانو معذبين المعلمة أبداً وفجأة وقع بالأرض وصار حدو دم كتير وبعدين عرفنا انو صابتو رصاصة طايشة ... وفي كتير أسباب غير هيك كمان يا بابا نويل يعني إذا بدك تجي هالسنة على سوريا لا تسأل الأهل عن ولادون لأنو يمكن يطلع حدا من هالأهل رايحلو شي ولد وبدل ما تزرع الفرحة بقلوبون رح تنكش جرح ما بيطيب ... . . بابا نويل بدي منك هدية وحدة وبس ... بدي منك تهدي كل السوريين شوية محبة لبعضون البعض .. بدي منك تخليون يعرفو كيف يحبو بعض ... بدي ترجّع المحبة لقلوبون ... بتقدر ....؟؟!!! أكيد بتقدر لأنك إنت بابا نويل يللي كلو محبة . . وأخيراً .... وانت راكب عرباية الغزلان وجايه لعنا دير بالك من المشلحين عالطريق لأنو هدول لا مع هدول ولا مع هدوليك هدول عم يستغلو قلة الأمان وعم يخطفو ناس وعم يسرقوا ناس وأحياناً يللي مامعو يدفعلون عم يقتلوه . . دير بالك على حالك بابا نويل لأنو كتير ضروري توصل هديتك ( المحبة ) بأقرب وقت على سوريا ..
__________________
أنا لست متكبره...ومن يراني
هكذا هو الذي يرى نفسه صغيرا بجانبي كل مافي الأمر أني ترفعت عن الكثير حين اكتشفت أن الكثير لا يستحق النزول إليه التعديل الأخير تم بواسطة احلى ايام العمر ; 11-15-2012 الساعة 09:15 PM 
|
|
#2
11-15-2012, 09:31 PM
|
||||
|
||||
 عاجل :وفاه البابا نويل بعد قراءة موضوع احلي باصابته بازمة قلبية مفاجأه 
__________________
|
|
#3
11-16-2012, 06:40 AM
|
||||
|
||||
|
ههههههههههههههههههههه ميدو اهلاوي ياااادلي دنااا بهزر شو مايجي
تسلم ايديك عالاضافة اللي طلعتنا من جو الحزن يارب ماننحرم من وجودك معانااا
__________________
أنا لست متكبره...ومن يراني
هكذا هو الذي يرى نفسه صغيرا بجانبي كل مافي الأمر أني ترفعت عن الكثير حين اكتشفت أن الكثير لا يستحق النزول إليه
|
 |
«
الموضوع السابق
|
الموضوع التالي
»
العرض العادي
|
|
الساعة الآن 07:46 PM.