ساعات.....!؟

ساعات الجرح بيفوق من التوهه
ساعات بيكون اليم جدا
لكن مشكور على التنبيه
ساعات يحرق كما نار الاتون واكتر
ف حضن الويل
ساعات البخت بيميل عليك يكسر
طقوس المرجله جواك
ساعات النصيب بيخون ف واد مجدع
لكنه قليل الحظ بيعانى
سكوت ف الحشى بينخر ف عز الليل
ساعات بنتوه مع الدنيا
وساعات بتعاند الدنيا
وساعات اكتر بتلهينا الحياه
وتسرق منا فرحتنا
وتحرق فى قلوب عاشقه
ونتعذب
ونتبهدل
ونتغرب عن الاحباب ف لحظه طيش
ساعات الكذب بينجى...
ساعات الكذب بينجى
وساعات اكتر يكون الصدق اخره مرار
ساعات نعشق ونتعشم ف قلب جميل
وساعات الساعه تكسرنا ف غنا ومواويل
ساعات الدمعه خصن نجاه
وساعات الضحكه مخدوعه
ومخنوقه ف قلب عليل
ساعات نبكى ع الحاضر
وننسى دمعه الايام مع لهفه بتكوينا
فى ليل حرمان
ساعات نسرق من الاحزان بسمه شوق
وساعات اكتر يكون الشوق اخره جراح
ساعات الكركبه تنجيك من التوهان
وساعات التوهه ترسملك طريق من زيف
وزيف الدنيا متغطى بشبكه موت
وموت الدمع واعر موت
وكسرت نفس اوعر موت
ساعات الفهم يتحول لجيش جرار
ساعات الفهم يتفهم على انه غبى وجبار
ساعات النيه
تتبدل وتصبح كما الجبار
ساعات بنحارب الدنيا
وتغلبنا ف لحظه ضعف
ساعات الضعف بينجى
وساعات القوه مصدر ضعف
ساعات بنقارب على التخاريف
وندخل منحناها
مخيف
ونخرج فوق رصيف الموت
نلاقى ساعاتنا خلصانه
وايام العمر ضاعت ف دنيانا
وموت مرسوم على التجاعيد
ووش كئيب
وعين معميه م الحسره
وكسره ما بعدها كسره
تعيش متعوس ومتهمش
مع الحرمان
ساعات....
عمده