رسائل

عكاز خشب
...........
مسنود عليه الحلم من 4 سنين
وبرغم توهته المبهمة علي سيف جدار
الأمنيات
مسنود وراضي بالنصيب
4 سنين متشعلقين في حبال عذاب
متربطين جوة الأنين
مسنود عليهم حبة م القهر اللي فات
وطمعانين
يصلب جدار الأمنيات بيهم سنين
عكاز خشب مسكين
عشش عليه السوس بينخر فيه
أنين م الناحيتين
عكاز خشب
مليان بــ دود الهم فوق ناصيه
مشحون انين
راجل عجوز
شايب كام الدهر العنيد
مخنوق كما ورد الغروب
خايف يعيش لحظات امل ويا الحبيب
يرجع كما التايه ف دنيا الامنيات
عايش حياه
اشبه كما الاموات
عكاز خشب
مسنود عليه الحلم من 4سنين
مستنى لحظه حلم طايش
يجمع القلب ال دايب
جوا احضان الحبايب
مستنى احضان الحبايب
رسائل الى غريبه..
عمده