رد على اللى قبلك بخاطره

أنا زي فلان..
اللي قابلته مرّة فـ أوتوبيس
أو فـ محطة أو فـ عياده
وحكالك عن نفسه زياده..
وسمعت حكايته بتفاصيلها..
علشان مكسوف
أنا زي ظروف مريت بيها..
مع غنوة سرحت فـ معانيها
مش فاكر مين بيغنّيها..
والصوت مألوف
أنا خوف مـ الوقت..
و من عِشرة ساعة وساعتين
ومابين ما تشوفني وتنساني..
أنا غمضة عين
أنا صوت جنبك من غير صورة
وحكاية بتخلص مبتورة
ووجودي ما بين حاجة وحاجة
وفـ لحظة جد ماليش حاجة
وماليش أسماء وماليش عناوين...