تحدي موضوع المليون رد

الغريب ف حياتي إني
هرجع ابدأ م النهايه
واللي قولت عليه حاضنّي
فجأه ملقتهوش معايا
والزمن خد عهد مِنّي
والعهود مافيهاش مَزَايا
يعني م الاخر هتعرف ؟؟؟!!
تبقي اجدع حد يعرف
يبقي بَطَلك في الروايه؟؟
صعب جدا
صعب اصدّق
صعب إني فجأه أبدأ
وابقي أسبق
من حصان عمري اللي راسب
في امتحان الغُربه طبعا
بإمتياز
واللي شَرخ الحُزن كاسرُه
عاش ياحاصرُه
جوه كوخ قَلبُه
الإزاز
يبقي لازم نِرضي طبعا
او نطاطي العمر كله
تحت تهديد
الابتزاز
غلطتك تدفع تمنها
عُمر فوق عُمرين مجاز
يعني رب العِزه يِغفر
وإحنا نِحرق فيك بِجاز