قلب للبيع

قلب للبيع
قلب اخضر .. قلب ابيض
مش بقولكم للبيع
قلب يحبك
قلب يناديك
قلب يناجيك
قلب شاريك حتى لو تبيع
قلب يضمك
قلب يحميك
قلب يفتكرك
وبرده قلب للبيع
محدش قال عايزه
محدش قال يشتريه
الكل باع وهو فضل وحيد
قلب اتمنى يلاقى الحب
قلب اتمنى يلاقى اللى يستحقه
وفى الاخر اتعرض للبيع
مش حقول اخص عليك يازمان
ولا فين الناس اللى حقيقي تتحب
حقول قلب للبيع

وحقول اهوه قلب زى بقية القلوب
ايه يعنى قلب نقى
ايه يعنى قلب صافى
ايه يعنى قلب حنون وراقي
المهم انه دلوقتى قلب للبيع
زمان قالوا تعددت الاسباب والموت واحد
ودلوقتى بقول تعددت الاسباب والبيع واحد
قرب
قرب
قرب
قلب للبيع
تعالى شوف قلب للبيع
قلب حبك في يوم
قلب اشتراك وانت بعته
يلا افرح واسعد وابتهج
اديك لقيت قلب للبيع
بس اليوم ياترى هو شاريك
قلب للبيع