|
#1
10-17-2011, 09:59 AM
|
||||
|
||||
طفل بيبكي
وأنا في طرقي بالصباح لقيت طفل بيبكي يا ولداه
سألته ليه بتبكي عرفت انه عايز أمه تروح المدرسة وياه طبطبت علي كتفه وسألته أنت أخذت مصروفك بصلي وكأنه شيخ كبير ولقيت المصروف وياه سألته تاني أمال بتبكي ليه أنت ما حليت الواجب خايف من الأستاذ يضربك طلعت دفتر الحساب لقيت الواجب أمه حلته وياه مديت ايدي ومسكت ايده بعد ما مسحت دموعه وقلت أروح المدرسة وياه لقيته زاد بالبكا وعايز أمه هيه اللي تروح وياه لقيته حاسس إنها هي الأمان أمية كانت ولا متعلمة بس طبعها الحنان هو حاسس أنها فارده جنحها عليه والواد ما بينام إلا بحضنها وفضلت احايل في الواد ودادي علشان يروح المدرسة ربنا هداه ومشي معايا ومن استاذه عرفت إن نمره كويسه وصيت عليه ومشيت وانا في طريقي للبيت لقيت ست كبيره ماشية متعكزه وانا مستعجل عايز ارجع للمكتبة سألتها انتي رايحه فين يا أمي قالت انا رايحه اصرف المعاش الواد أبني كان مواعدني يجي وي يا الله يكون بعونه عنده من الولاد أربعه وهو عاطل من يوم ما ساب الشغل بالمطبعة ومراته دايما طلباته كتير والواد بدور علي أي شغله حتي ولو حيشتغل غفير وانا يا أبني زي ما انت شايف انا ريقي نشف وعايزه اساعده واقف وياه بس المعاش قليل والمعيشه غاليه من اول اسبوع بالشهر الاقي المعاش راح وقضي بقيت الشهر وانا بالي مرتاح ربي بـ يبعتلي رزقي وولاد الحلال كتير وانا يا أبني بقضي طول اليوم بالسرير ما اعرفش اروح ولا اجي الا ومعايا حد يسندني وربنا ما بينسي حد مسكت ايدها ووصلتها البريد ووقفت لما اطمنيت عليها من بعيد لبعيد اتاري الحياه مليانه واحنا مش عارفين الزاي فيه ناس كتيره بالحالة دي عايشين حمدت ربي علي كل الاحوال أنه حامينا وكافينا زل السؤال معرفش ليه انا دايما شارد وفارد همومي علي الحبال وبدور علي المارد اللي يشيل عني ويدعك ليا المصباح يغير لي طباع الناس علشان اعيش مرتاح يبدل كل القلوب وانعيش احلي صباح الصديق يرجع لصديقه والحبيب يغفر لحبيبه بدل ما ندور لبعض علي الاخطاء اللي باقي من العمر كام انت تعرف وانتي تعرفي هو ده السؤال لو حنعرف امتي نموت ما كنا بطلنا عمل لو نعرف امتي نموت ما كنا عرفنا الكسل كان كل واحد يراعي ربنا فينا ويحل كل المشاكل لينا ولأهالينا لكن الكل مشغول بحاله عايز يكبر كومه ويعليه حتي ولو علي اكتاف غيره مش مهم المهم يبنيه يكون قاسي يكون ظالم هو فاكر أن ربنا حينجيه ما يعرفش ان ربنا ما يرضي ابدا بالظلم وانه من فوق سابع سما بيحميه 
|
| الكلمات الدليلية |
| بيبكي |
«
الموضوع السابق
|
الموضوع التالي
»
العرض الشجري
|
|
الساعة الآن 10:53 PM.