نص الحقيقه..!!!

قصيدة
(نص الحقيقه)
منشوره فى مجله
بيت الادباء والشعراء العرب
بتاريح
9_12_2014
*********
نص الحقيقه
بين عيونك وانتى شيفاها بنواضرك
الحقيقه جوا منك واساليها
استجوبيها
اعملى تحقيق قوام
قبل ما الايام تتوه جوا احضان الزحام
الحقيقه انى فعلا دوبت فيكى
ومت فيكى
ومستعد ابيع حياتى واشوف عنيكى
ومستعد ابيع حياتى والمس ايديكى
الحقيقه يا اجمل حقيقه
انى والله حلمت بيكى
وشفت كل شبابى فيكى
واتخلقت جوا حلمى بين ايديكى
الحقيقه يا حببتى
يا ملاكى
انى فعلا مت فيكى
الحقيقه كلها بتكون معاكى
وانتى عارفه انى من غيرك بتوه
جوا واحه م الحنين
جوا اجمل بساتين من ذكرياتى
الحقيقه
بجد فعلا انى دوبت ومت فيكى
الحقيقه انى شفتك
ايوه شفتك
جوا حلمى منورانى
كنت بلمس بس ايدك
كنت بحضنها بحنانى
كنت ببوسها بامانى
ايوه بوستك جوا حلمى
بوست ايدك ويا خدك
بوست عينك ويا خصرك
ايوه فعلا صدقينى
بوست اسمك
بوست كل حروف ملامحك
الحقيقه
انى جوا الحلم برضه
يا حببتى حضنتك
ايوه فعلا صدقينى
حضنت فيكى كل الكلام
كل حروف الغرام
حضنت فيكى ضحكتك
ومعاها برضه بسمتك
حضنت فيكى جنون ملامحك
حتى لونك
حتى اسمك
حتى خجلك
الحقيقه يا حببتى
انى فعلا والله يشهد
مت فيكى
كل ده ياحببتى واكتر
صدقينى
نص الحقيقه …
احتراماتى
بقلمى المتواضع
اما عمالقه الكلمه
عماد رشدى